SUALTI KƏMƏRLƏRİN ÇƏKİLMƏSİNİN SU HÖVZƏLƏRİNİN EKOLOGİYASINA TƏSİRİ

Abstract

Planetimizin səthinin 70%-dən çoxu su hövzələri ilə əhatə olunmuşdur. Hal-hazırda su hövzələrinin ekologiyasına təsir edən amillər, onların yaranma mənbələri və qarşısının alınması yollarının araşdırılması bütün dünyanı maraqlandıran aktual bir mövzudur. Neft – qaz sənayesinin inkişafı ilə əlaqədar olaraq yeni texnologiya və üsulların tətbiq olunması, yeni neft yataqlarının araşdırılması və istismarı məsələlərini də ön plana çəkir. Əlbəttə ki, bu istiqamətdə atılan hər bir addımda ətraf-mühitin qorunması, onun təmiz saxlanması, tullantıların minimuma endirilməsi məsələlərinə xüsusi fikir vermək lazımdır. Bu məqalədə sualtı boru kəmərlərinin növləri, onların istismarının müsbət və mənfi tərəfləri, onların çəkilməsi zamanı ortaya çıxan və ekologiyaya mənfi təsir göstərən amillər araşdırılır və təhlil olunur. Məqalədə Xəzər dənizinin su hövzələrinin ekoloji vəziyyəti, Azərbaycan Respublikası Prezidentinin bu yolda apardığı islahatlar və qəbul etdiyi qərarlar müzakirə olunur. Eyni zamanda, məqalə hazırda dünyanın su hövzələrinin çirklənməsinə və ekologiyasına mənfi təsir edən müxtəlif səbələrin araşdırılmasına həsr olunmuşdur. Yekun olaraq, su hövzələrinin çirklənməsinin qarşısının alınması və ya minimuma endirilməsi yolları təhlil olunur.