QAZ KİMYASI KOMPLEKSİNDƏ DAHA ÇOX MƏHSULUN ALINMASI MƏQSƏDİLƏ TƏBİİ QAZIN OPTİMAL NƏQLİ TEXNOLOGİYASININ İŞLƏNMƏSİ

Abstract

Məqalə qazın tərkibindəki komponentlərin qaz kimyası kompleksi üçün əhəmiyyətinin,qaz emalı zavoduna nəql edilən təbii qazın hazırlanması meyarlarının və müasir dövrdə neft-qaz mədənlərindən magistral kəmərlərlə təbii qazın nəqli proseslərinin tədqiqinə həsr olunub. Bu məqsədlə ilk növbədə qazın kimyəvi emalında istifadə edilən üsulların və təbii qazın ilkin emalı nəticəsində alınan məhsulların təhlili aparılmışdır. Təbii qazın nəql texnologiyaları (qazın qurudulması, aşağı temperaturlu separasiya, supersəsli separasiya, təmizləyici porşenlərin buraxılması) və bu sahədə istifadə olunan müasir qurğular haqqında məlumat verilmişdir. Yanacaq qazlarının tərkibindəki ağır karbohidrogenlərin, su buxarının kənar edilməsini həyata keçirən kombinə edilmiş cihazın texnoloji sxemi verilmişdir. Təbii qazın nəqlə hazırlanması və nəqli zamanı istifadə edilən qurğuların tətbiqi məsələləri texnoloji, parametrik və spesifik meyarlar baxımından tədqiq edilmiş, hər sistemin özünəməxsus xüsusiyyətləri müəyyənləşdirilmişdir