NEFT MƏHSULLARI ILƏ ÇIRKLƏNMIŞ TORPAQLARIN MÜASIR ÜSULLARLA BƏRPASI

Abstract

Neft Sənayesi müəssisələrinin istehsalat fəaliyyəti, texnoloji proseslərin xüsusiyyətləri nəticəsində ətraf mühitə digər sənaye sahələrindən daha çox ciddi təsir edir. Neft-qaz çıxarma kompleksi müəssisələrinin çirkləndiriciləri öz tərkibində üzvi və mineral maddələri birləşdirir. Politsiklik aromatik karbohidrogenlərin minerallaşması təbii prosesi kifayət qədər uzun olduğundan, bərpa proseslərini sürətləndirilməsi tədbirlərinə ehtiyac vardır. Bu məqalədə neftlə çirklənmiş torpaqlarda tətbiq edilən bərpa üsullarının müsbət və mənfi cəhətlərinin müzakirəsi aparılmışdır. Neftlə çirklənmiş torpaqların mexaniki, aqrotexniki və kimyəvi rekultivasiya və s. üsullarının təyin edilməsi torpağın süxur tərkibi, eyni zamanda çirklənmə dərəcəsindən asılı olaraq dəyişə bilər. Son nəticə olaraq onu demək olar ki, üsullar kompleksinin tətbiqi hesabına torpağın özünü təmizləmə prosesini sürətləndirməklə, ekoloji və iqtisadi effektivliyə nail olmaq mümkündür.