ELEKTRON İQTİSADİ MÜHİTDƏ SÜNİ İNTELLEKT TEXNOLOGİYASI

Abstract

Süni intellekt ilk kompüterlərin meydana çıxması ilə inkişaf etməyə başlayıb. Elm 1956-cı ildə Dartmut Kollecinin yay seminar məktəbində Con Makkarti tərəfindən təklif edilmiş süni intellekt anlayışının hamılıqla qəbul edilmiş vahid formasıdır. Bu məqalədə, süni intellekt – kompüter elmlərinin “insana xas intellektual funksiyaları”na (öyrənmək, məsələləri həll etmək, təbii dili başa düşmək və s.) malik sistemlərin yaradılması ilə məşğul olan sahəsi kimi qəbul olunur. Süni intellekt metodları insan beyni ilə müqayisədə hələ çox geridə olsa da, onların bəzi diqqətəlayiq uğurları var. Məsələn, şahmat, qo və poker oyunlarında insan üzərində qələbə qazanırlar, şəkillərin və nitqin tanınmasında insana yaxın nəticələr göstərirlər, müəyyən keyfiyyətdə şəkillər, rəsm və musiqi əsərləri sintez edə bilirlər. Məqalənin əsas məqsədi elektron iqtisadi mühitdə süni intellekt texnologiyalarının əsas xarakterik xüsusiyyətlərini araşdırmaqdır. Qarşıya qoyulmuş məqsədə çatmaq üçün süni intellektin mahiyyəti və tətbiqi sahələri, eləcə də süni intellektin tətbiqinin effektivliyini araşdırmaq lazımdır. Məqalənin əsas məhdudiyyəti kimi Azərbaycanda süni intellektin tətbiqinə dair statistik məlumatların azlığı çıxış edir.