AZƏRBAYCAN İSTİLİK ELEKTRİK STANSİYASININ YERLƏŞDİYİ ƏRAZİDƏ MÜHƏNDİSİ-GEOLOJİ ŞƏRAİTİN ÖYRƏNİLMƏSİ

Abstract

Tədqiqat ərazisi Mingəçevir şəhərində, “Azərbaycan İstilik Elektrik Stansiyasının bilavasitə ərazisində yerləşir. “AzİES” MMC-nin ərazisində yenidənqurma işlərinin 9 və 10-cu blokların, yeni transformator məntəqələrinin yerləşdiyi sahələrdə aparılmışdır. Mühəndisi-geoloji tədqiqat işlərinin yerinə yetirilməsində əsas məqsəd sahənin geoloji-litoloji quruluşunu, hidrogeoloji şəraitini müəyyənləşdirmək, litoloji kəsilişdə iştirak edən qruntların fiziki-mexaniki xassələrini, kimyəvi tərkibini, ekzogen-geoloji prosesləri təsdiq etməkdən ibarət olmuşdur. Mühəndisi-geoloji axtarış işlərinin aparılması zamanı 23 mühəndisi-geoloji quyu qazılmış, bu quyulardan götürülən qrunt və su nümunələrinin fiziki-mexaniki və kimyəvi xassələrinin laboratoriya analizləri yerinə yetirilmişdir. Bunların əsasında sahənin geoloji quruluşunu əks etdirən geolojilitoloji kəsilişləri (sahəni kəsən 11 xətt üzrə profillər ), 23 quyu üzrə geoloji-litoloji sütun tərtib edilmişdir.