YAŞIL TEXNOLOGİYA ƏSASLI DAVAMLI VƏ YAŞIL HƏYAT KONSEPSİYASI

Abstract

Müasir yaşayış texnologiya ilə vəhdət halında inkişaf edir. Keçmişə nəzərən yaşayış tərzi, insanlar, buna uyğun olaraq ətraf mühit də dəyişməyə başlamışdır. Dəyişən müddət ərzində, xüsusilə yaxın keçmişdə insanlar təbiətlə aralarındakı münasibəti dəyişdirməyə qadir olmuşdur. Lakin bu proses, xüsusilə təbiətə zərər vermişdir. Təbii ki, bu zərər bir tərəfli deyildir. Sənaye inqilabının başlaması ilə insanın təbiətə verdiyi zərər daha da artmağa başlamışdır. Digər tərəfdən, artıq müasir dövr insanlarında “təbiəti qorumaq” istiqamətində fərdi şüur inkişaf etməyə başlamışdır. Və bu da özünü texnologiyanın inkişafında da göstərməyə başlamışdır. Müasir dövrdə texnologiyalar “Ətraf-mühit dostu” olaraq inkişaf etdirilməyə və tətbiq edilməyə başlanmışdır. Bu digər adı ilə “Yaşıl texnologiyalar” olaraq həyatımıza daxil olmuşdur. Və yaşıl texnologiyalar “yaşıl və davamlı” bir həyatın əsas hissələrindən birinə çevrilmişdir. Məqalədə, texnologiyaların yaşıl texnologiyaya çevrilməsi ilə birlikdə onların yaşıl və davamlı həyata verdikləri töhfələr, yaşıl və davamlı həyatın əsasları, davamlı inkişaf və yaşıl texnologiyaların davamlı və yaşıl həyat üçün nə dərəcədə önəmli olduqları qeyd edilmişdir. Mövcud infrastruktur üzərində müəyyən dəyişiklərin aparılması ilə daha davamlı bir həyat əldə etmək və gələcək nəsillərə daha sağlam bir təbiət miras qoymaq bugünkü bəşəriyyətin əsas vəzifələrindən və borclarından biridir.