YAŞIL IOT TEXNOLOGİYASI

Abstract

Davamlılıq modern təbiət-əsaslı layihələrin əsasını təşkil edir. Davamlılığın təmin edilməsi davamlı inkişaf məqsədləri kimi qəbul edilən 17 DİM çərçivəsində həyata keçirilir. Burada əsas məqsəd həm insanlığın həm də təbiətin daha yüksək bir həyat keyfiyyətinə sahib olmasıdır. Davamlılığın tətbiq və təmin edilməsi üçün bir çox texnologiyalardan istifadə edilir. Texnologiyanın təbiətə inteqrasiya edilməsi keçən yaxın keçmişə nəzərən daha da fərqli bir ölçüdə inkişaf edir. Artıq daha təbiət dostu texnologiyaların tətbiqinə diqqət yetirilir. Bunlar əsasən yaşıl texnologiya kimi bilinir və bir çox fərqli sektorlarda tətbiq edilir. Yaşıl texnologiyaların bir digər kateqoriyası Yaşıl İnformasiya Texnologiyaları olub daha davamlı hesablamaların həyata keçirilməsi üçün istifadə edilir. Bundan əlavə olaraq xüsusilə Ağıllı mühitə inteqrasiya olunan yaşıl texnologiyalar ağıllı yaşıl texnologiya və ya başqa sözlə ağıllı cihazların şəbəkəsinin qurulması nəticəsində yaranan Əşyaların İnterneti Ekosisteminə inteqrasiya olunaraq Yaşıl Əşyaların İnterneti kimi bilinir. Məqalədə Davamlılığın təmini üçün nəzərdə tutulan Yaşıl Texnologiyaların Əşyaların İnterneti Ekosisteminə inteqrasiyası, onun xüsusiyyətləri, Yaşıl IoT cihazları, onların davamlılığın təmini baxımından müxtəlif sektorlarda tətbiqi məsələlərinə baxılmışdır.