İQLİM AMİLLƏRİNİN SU EHTİYATLARINA TƏSİRİ

Abstract

Son illər iqlim dəyişikliyinin su ehtiyatlarına potensial təsirinə dünya miqyasında marağın artması müşahidə olunur. İqlim dəyişiklikləri birbaşa olaraq suyun kəmiyyət və keyfiyyətinin dəyişməsinə gətirib çıxarır ki, bu da sürətlə artan su böhranının daha da ağırlaşmasına səbəb olur. Son bir neçə onillikdə iqlimin ekstremal göstəricilərinin mənfi təsirləri hidroloji tsikldə, yəni qlobal yağıntıların normalarında kəskin dəyişikliklərə və atmosferdəki su buxarının miqdarının artmasına, buzlaqların əriməsinə, daşqınlar, torpaq eroziyası və quraqlıq kimi hadisələrin yaranmasına səbəb olur. Bu təhlükəli hidrometeoroloji hadisələrin qarşısını almaq və onların idarə olunması üçün elmi şəkildə geniş araşdırmalara ehtiyac var. Su ehtiyatlarının idarə edilməsi enerji, səhiyyə, ərzaq təhlükəsizliyi və ətraf mühit də daxil olmaqla geniş siyasi-iqtisadi sektorlara açıq şəkildə təsir göstərir.